Egun bizitzen ari garen egoerak sortzen didan sentipena irudikatu nahi izan dut

Urte gogorra izan da 2020a denontzat, izan ere, inork ezagutzen ez zuen birus batek oharkabean inpaktu ikaragarria izan du denon bizitzak hankaz gora jarriz. Egoera hau abiapuntutzat hartuta sortzen da obra, edonork bere egunerokotasunean sentitu ahal izan dituen emozioak azaleratzeko helburua duena. 10 argazkiz osatutako segida honetan, plastikoa elementu nagusia delarik, metafora baten bitartez azaldu nahi da nola hasierako ziurgabetasunak azkenean emozio negatiboz gainezka egiten duen egoera bat eragiten duen, non desolazioa eta bakardadea oso presente dauden. Negatibotasun hartatik aldendu eta egoera ero honen barnean ere alde positiboa badagoela erakustea da obraren azken argazkien helburua, plastiko azpian ere arnastu daitekeela azalduz. Ez al litzateke bestela erokeria egoera zailen aurrean ero bihurtzea?