NEREA MURILLO

Nerea naiz, eta betidanik sentitu naiz sortzaile. Izan ere, sortzaile izatea ez da ondo marraztu edo margotzea; hortik harago doan kontzeptu bat da.

 

Nire bizitzako etapa ezberdinetan, sorkuntza modu askotara agertu da: txikitan panpinen arropak diseinatzen, gaztetan Arte Ederren eskolan marrazten eta margotzen ikasten, eta gaur egun, denbora librean, zeramika eta ilustrazio digitala modu autonomoan lantzen.

Sormenarekiko jakin-min horrek bide ezberdinak esploratzera eraman nau. Diseinu Industriala ikasi ondoren, nire bidea erabiltzaile-esperientziara eta produktu digitalaren diseinura bideratu dut. Gaur egun, UX eta Diseinu Estratega gisa lan egiten dut, sormena, estrategia eta pertsonen beharrak bateratuz.